Байгалийн мөөг 7 сарын дундаас 10 сарын эхэн хүртэл ургадаг учраас дарж авах цаг өдийд л тохиодог.
Шинэ залуу, өт идээгүй, жижиг болон жижгэвтэр мөөгийг сортолж дарах нь муудах эрсдэлгүй байдаг. Талын мөөг, ойн мөөг /тосондой, хэврэг чидмэгээс бусад/ гээд дэлгүүрт худалдаалдаг мөөгийг ч доорх заавраар дарж болно шүү. Эхэлцгээе! 
Орц, заавар:1. Мөөгөө зөөлөн даавуу болон сойзоор шороог нь унагаж цэвэрлээд, давстай усанд хийж 20 минут буцалгаж боловсруулна. Түүхийгээр нь хэзээ ч дарахгүй шүү 
Болгосон мөөгөө хөртөл нь хүйтэн усанд сойно. Энэ нь биетэй гоё болгоно.
Болгосон мөөгөө хөртөл нь хүйтэн усанд сойно. Энэ нь биетэй гоё болгоно.2. Уусмал бэлдэхдээ 1 литр ус тутамд 35гр элсэн чихэр, 35гр давс хийж буцалгаарай.
3. Шилэнд орох орц /500гр-ын шилэнд/
– сармис 2 хумс
– Сонгино 1 цагираг хэрчим
– Хар перец 5 ширхэг
– Лаврын навч 1 ширхэг
– Амтат чинжүү 1 шилэнд 10-15 нарийхан хэрчим. Хийхгүй ч байж болно. Хийвэл илүү амттай болдог шүү
Шилний хэмжээнээс хамаараад орцны хэмжээ өөрчлөгдөнө.
4. “Ариутгасан” шилэнд хуурай орцнуудаа хийгээд мөөгөө их чигжилгүйгээр хийж, уусмалаа халуунаар нь шилний доод амсар хүртэл хийгээрэй.
5. Уусмалаа хийгээд 0.5 ц.х 70% уксус эсвэл 1 ц.х 20% уксус хийж, дутуу таглаад 10 минут жигнэнэ/чанана. Энэ нь 6 сар хүртэл хадгалалт даадаг.
6. Чанасан/жигнэсэн нөөшөө гарган тэгш гадаргуу дээр зөөлөн товшиж хийг нь гаргаад тагийг нь чангалаад доош харуулан тавьж хөргөнө.
ИНГЭЭД Л 7 ХОНОГИЙН ДАРАА ИДЭХЭД ГОЁ АМТТАЙ НӨӨШ БЭЛЭН БОЛСОН БАЙДАГ ЮМ ШҮҮ…Болгосон мөөгөө шилэнд хийхдээ муудсан мөөг байгаа эсэхийг ДАХИН сайтар шалгаарай. Жаахан л өвчилсөн мөөг орчихвол муудахдаа маш амархан.Мөн уксусны оронд алимны цуу хийж дараад 1 сарын дотор хэрэглэж болно.Харин мөөг дарахдаа халуун чинжүү ерөөсөө хийж болохгүй. Тохирохгүй хүнснүүд.Байгальд ургадаг мөөг нь маш их антибиотикийн агууламжтай байдаг учраас нэг дор ихээр хэрэглэж болохгүй шүү. 1 хүн 1 удаадаа дундаж хэмжээтэй 2 ширхэг мөөг идэх нь зохистой хэрэглээ гэж үздэг.Мөөгийг дарснаас хэд хоногийн дараа уусмал нь хэрвээ өтгөрсөн, цэлцэгнэсэн, булингартсан бол хэрхэвч идэж болохгүй шүү. Буруу дарсан гэж үзнэ. Мөөгний хордлого авах эрсдэлтэй. Хортой мөөг идсэнээс ялгаагүй. Тиймээс та нар минь анхаараарай.
Зөв зохистой хэрэглэж чадвал мөөг нь уургийн агууламж маш өндөртэйгөөс гадна A, B1, B2, C, D, PP аминдэмийг ихээр агуулж эдгээр аминдэмийн агууламжаараа хүнсний ногоо, үр тарианаас илүү байдаг. Мөн дархлаа сайжруулж, цусны даралт, халуун бууруулах, цусан дахь холестрин багасгах, вирусын эсрэг, үрэвсэл, хавдрын эсрэг үйлчлэл бүхий биологийн идэвхт олон бодис агуулдаг юм шүү.АМТТАЙ МӨӨГ ДАРААРАЙ. ТА НАРТАА АМЖИЛТ ХҮСЬЕ. 
